A Casa dá Cultura de Cariño acolle o sábado 27 de abril unha nova edición do Festival de Primavera

• A partir das 18:30 horas actuarán cinco grupos musicais, dos que catro son corais e unha delas é portuguesa

• A asociación Rondalla de Cariño creouse no ano 1.995 e empezou a organizar este festival no ano 2.000

• Só entre as 5 agrupacións reunirán a máis de 200 persoas

O vindeiro sábado, 27 de abril, a Casa dá Cultura do Concello de Cariño acolle o Festival de Primavera, que organiza a asociación cultural Rondalla de Cariño en colaboración co Concello de Cariño e o patrocinio da Deputación dá Coruña.

A cita, que comeza a partir das 18:30 horas, conta coa participación do portugueses Grupo de cantares arroz aos molhos; a Coral polifónica de Betanzos, a Coral polifónica Adayeus da Coruña; a Coral polifónica Val do Avia de Ourense e o grupo local Rondalla de Cariño.

No caso da agrupación portuguesa, trátase dunha invitación devolta despois de que o grupo de música de Rondalla participase no seu festival de música o ano anterior.
O evento é gratis ata completar o aforo da Casa dá Cultura.
A asociación Rondalla, que se creou no ano 1.995, leva organizando esta cita musical desde o ano 2.000, fóra dos anos da pandemia, nos que non se puido celebrar.

Este ano o festival espera congregar a máis de 200 persoas só cos integrantes das formacións, o que supón un gran impacto económico a nivel local. Ademais, cada un dos integrantes levará un pequeno agasallo de recordo elaborado por un comercio artesán do municipio.

Segundo indica a alcaldesa, Ana María López, “é un pracer para o noso equipo de goberno apoiar o Festival de Primavera, que conta xa cunha gran tradición no noso municipio, pois xa son 24 anos desde a súa creación, e atrae ao noso concello grupos musicais de toda Galicia e este ano, mesmo, de Portugal”.
“Trátase ademais dunha gran noticia a nivel económico e turístico, xa que chegan a Cariño máis de 200 persoas contando só cos integrantes das formacións, que dormen aquí, comen e fan diferentes gastos no comercio local” engadiu a rexedora.

Por último, quixo darlle as grazas “a todos os membros da organización do evento, que ano a ano esfórzanse en que o Festival de Primavera, así como tamén a todas as persoas voluntarias botan unha man durante este día para que todo salga á perfección”.

Desde o Concello de Cariño animan a todo o mundo, veciños e visitantes, a achegarse o vindeiro sábado ata a Casa dá Cultura municipal para gozar dun gran día de música.